Dubbii miila Bakhar
"Naannawa hanga kana waraanni akka fedhetti keeysa daddeemaati loon qalachaatiifi ashiitaa waaddachaa akka fedhe keeysa tattaha. Abbaan leeccalloo akka tasaatti isaan harka bu'ees tasaa imaanata. Hanga dura hundallee tahuu baatu gariin isaanii qotee bulaa naannawa sanitti arkatan eega akka wadalaatti fe'achaa oolan boodallee taatu galgala lakkisuudha turan. Booda tana garuu kan itti achi dhaqu malee kan as deebi'u hin jiru.
Haamidoo Qalacaadhaatii fi Yuuyyaa waariyoo faaniis warra achi dhaqee osoo hin deebi'in hafe keeysaahi... warra dhaqee boolla isaanii banatee gale agarraani waan bakka baqatanitti sooratan boolluma isaanii irraa hatachuuf machalla irraa ka'anii midhii ulee dhufan....
Warri isaan kana iyyaafachuuf jala dhaqee achumaan faana ra'ee ugaadeen tahees hamma hin qabu.
Akki kun dhufuun ammoo eega namtichi xocheen adda guddatu kan funyaan akka qottarruu laakkamaatti dhaabbatu kan hundi isaaniituu akka wahiitti sodaatan, kan hoggaa inni dhufe lafaa orihanii akka waaqaatti dullataniif tokko dhufee asi.
Akka ashkartichi Haamidoofaa hojjachiisu kan afaan Oromoo dubbatu tokko guyyaa tokko hogga bishaan waraabsisu odeeyseefitti namticha mooticha jara kanaatu adeera tahaafi. Namtichi kun ----------- tahuu isaati."
Gaafii:- namtichi Xucheen kuni eenyu? Deebisaa comment jalatti barreessaa.
Asoosamni seenaa dhugaa miilaa bakhar kuni asoosamaan akkaan jaaladhuudha.
ReplyDeleteJabaadhaa itti fufaa!